"Duk wata mace da ke sanya sarƙar ƙafa — karuwa ce," in ji Fasto Ibiyeomie
 |
| "Duk wata mace da ke sanya sarƙar ƙafa — karuwa ce," in ji Fasto Ibiyeomie |
Fasto David Ibiyeomie, wanda ya kafa cocin Salvation Ministry, ya nuna rashin jin daɗinsa kan irin tufafin rashin kunya da wasu mata ke sakawa a wannan zamani.
A yayin da yake wa’azi, Fasto Ibiyeomie ya caccaki al’adar sanya sarƙar ƙafa da wasu mata ke yi, yana masu gargaɗi da su daina kwaikwayon abubuwan ƙasashen waje ba tare da fahimtar abin da ke tattare da hakan ba.
“Da yawa daga cikin ku kuna son ado, amma ba ku fahimci ma’anar abin da kuke sakawa ba,” in ji shi.
Ya ce musamman sanya sarƙar ƙafa yana nuni da wani sako da ba a so: “Mace da ke sanya sarƙar ƙafa, ana fassara hakan da cewa karuwa ce.”
Ya ci gaba da bayyana cewa, “Asalin ma’anar wannan ado shi ne: ‘Ni karuwa ce, ba otal nake zama ba, amma ina yawo duk inda ake bukata.’”
Faston ya ƙare da cewa, “Sanya sarƙar ƙafa ba wai don burgewa ake yi ba, illa dai wata hanya ce ta tallata da karuwanci.”
Leave Comments
Post a Comment