 |
| Yadda ake gyara wayar da bata karɓar caji |
Wayar Android da bata karɓar caji matsala ce mai tayar da hankali sosai. Kana saka charger amma babu alamar caji, ko kuma alamar na fitowa amma baturin baya ƙaruwa. Wannan matsala na iya faruwa ga wayoyi irin su Infinix, Tecno, Samsung, Redmi da sauran Android, kuma dalilanta na iya zama daga abu mai sauƙi zuwa matsalar hardware.
A wannan rubutun, za mu yi bayani dalla-dalla kan dalilan da yasa wayar Android bata karɓar caji, tare da hanyoyin gyarawa masu amfani da zaka gwada kafin kai waya wurin gyara.
1. Charger ko USB cable ya lalace
Mafi yawan lokuta, matsalar ba daga wayar take ba, charger ko USB cable ne ya lalace. Wasu cables suna iya yin karyewa a ciki ko rasa ƙarfin wutar da suke wucewa.
Abin da zaka yi:
- Ka gwada wani charger daban
- Ka canza USB cable
- Ka gwada socket ko extension daban
A AndroidPols.com.ng mun taba yin bayani kan dalilin da yasa fake charger ke lalata waya, wanda ya dace da wannan matsala.
2. Charging port ya cika da ƙura ko datti
Charging port na wayar na iya cika da:
- Ƙura
- Yashi
- Lint daga aljihu
Wannan na hana charger shiga sosai, wanda ke sa wayar bata karɓar caji.
Hanyar gyara:
- Ka kashe waya
- Ka yi amfani da toothpick ko iska (blower)
- Kada ka yi amfani da abu mai kaifi ko ruwa
3. Wayar ta shiga ruwa ko danshi
Idan waya ta taba ruwa:
- Charging port na iya samun corrosion
- Wayar na iya ƙin karɓar caji gaba ɗaya
Wani lokaci matsalar na iya bayyana bayan kwanaki.
Lura:
- Kada ka saka waya a caji nan take
- A kai waya wurin gyara da wuri
4. Matsalar software ko system error
Wani lokaci Android system na iya rikicewa, wanda ke hana waya gane charger.
Wannan yakan faru bayan:
- System update
- Shigar da app mara kyau
- System crash
Gwaji:
- Ka yi restart na waya
- Ka kashe waya na mintuna 5–10 sannan ka saka a caji
5. Baturi ya lalace
Idan baturi ya tsufa ko ya lalace:
- Wayar bazata karɓi caji ba
- Ko zata nuna caji amma baya ƙaruwa
Wannan na yawan faruwa ga wayoyi da aka dade ana amfani da su (shekara 2–3).
6. Matsalar charging IC ko motherboard
Idan duk hanyoyin da ke sama sun kasa:
- Charging IC na iya lalacewa
- Motherboard na iya samun matsala
A wannan mataki, sai kwarren technician(Mai gyara) ya duba wayar.
Hanyoyin gyara wayar da bata karɓar caji
1. Canza charger da cable
Wannan shi ne mataki na farko kuma mafi sauƙi.
2. Tsaftace charging port
Cire datti na iya warware matsalar nan take.
3. Yi restart ko force restart
- Riƙe Power button na sakan 20–30
- Wannan na taimakawa idan system ne ya rikice
4. Gwada charging a kashe
- Kashe waya gaba ɗaya
- Saka charger ka ga ko alamar caji zata fito
5. Guji amfani da waya yayin caji
Idan tana karɓar caji a hankali, amfani da waya zai iya hana ta cika.
6. Factory reset (idan ya zama dole)
Idan kana zargin software:
- Ka yi factory reset
- Ka ajiye bayananka kafin hakan
Lokacin da ya dace a kai waya wurin gyara
- Idan babu alamar caji ko kaɗan
- Idan waya ta taba ruwa
- Idan baturi ya kumbura
- Idan charging port ya yi loose
A wannan hali, matsalar na iya zama hardware, kuma gyara na bukatar ƙwarewa.
Kammalawa
Wayar Android da bata karɓar caji na iya fuskantar matsala daga charger, charging port, system error, baturi, ko motherboard. Abu mafi kyau shi ne ka fara da hanyoyin gyara masu sauƙi kafin ka yanke hukuncin kai waya wurin technician.
Domin samun Android Hausa tutorials masu inganci da warware matsaloli kai tsaye, ka rika ziyartar AndroidPols.com.ng, inda ake kawo bayanai masu amfani cikin Hausa mai sauƙin fahimta.
