 |
| Me yasa wayata ke kashewa da kanta |
Wayar Android da ke kashewa da kanta na daga cikin matsalolin da suka fi damun masu amfani da waya. Wani lokaci kana amfani da waya sai ta kashe ba tare da gargadi ba, wani lokaci kuma zata kashe sannan ta sake kunnawa. Wannan matsala na iya faruwa ga wayoyi irin su Infinix, Tecno, Samsung, Redmi da sauran Android.
A wannan rubutun, za mu yi bayani dalla-dalla kan manyan dalilan da yasa waya ke kashewa da kanta, tare da hanyoyin gyara masu sauƙi da zaka gwada kafin kai waya wurin technician(mai gyara).
1. Baturin waya ya lalace ko ya gaji
Babban dalilin da ya fi jawo wannan matsala shi ne lalacewar baturi. Idan baturi ya tsufa:
- Wayar zata nuna caji amma sai ta kashe
- Zata kashe idan caji ya sauka zuwa kashi 20% ko kasa da haka
- Zata iya kashewa idan ka kunna data ko wasa
Wannan matsala tana yawan faruwa ga wayoyin da suka wuce shekara 2–3 ana amfani da su.
2. Wayar na yin zafi sosai (Overheating)
Idan wayar ta yi zafi fiye da kima, Android system na iya kashe wayar da kansa domin kare ta daga lalacewa.
Abubuwan da ke haddasa zafi sun hada da:
- Yin wasa mai nauyi na dogon lokaci
- Amfani da data ko hotspot
- Caji tare da amfani da waya
- Ajiye waya a wurin da zafi yake
Mun taba yin bayani a AndroidPols.com.ng kan dalilin da yasa wayar Android ke zafi sosai da yadda ake rage hakan.
3. Matsalar system ko Android error
Idan Android system ya samu matsala:
- Wayar na iya yin restarting
- Zata iya kashewa gaba ɗaya
- Wasu lokuta sai ta makale a logo
Wannan na iya faruwa bayan:
- System update
- Shigar da app mara kyau
- Lalacewar system files
4. Wani app na haddasa matsala
Wasu apps na iya:
- Cin baturi fiye da kima
- Haddasa crash ga system
- Sa waya ta kashe ko ta restart
Musamman apps daga:
- Wajen Play Store
- Cracked apps
- Apps masu virus
Idan matsalar ta fara ne bayan shigar da wani app, akwai yiwuwar shi ne ke haddasa matsalar.
5. Storage ko RAM ya cika
Idan storage ko RAM ya cika sosai:
- Android na iya kasa sarrafa apps
- Wayar na iya kashewa ko ta restart
Wannan matsala na faruwa sosai ga wayoyi masu ƙaramin memory.
6. Power button ya lalace
Idan power button ya lalace ko ya makale:
- Wayar zata iya kashewa da kanta
- Zata iya restarting ba tare da dalili ba
Yawanci wannan na faruwa bayan waya ta fadi ko ta jiku da ruwa.
7. Matsalar motherboard ko hardware
Idan duk hanyoyin software sun kasa, akwai yiwuwar:
- IC ya lalace
- Motherboard na da matsala
- Wata waya ta taba ruwa ko ta fadi sosai
Wannan matsala na bukatar kwarren technician (Mai gayara).
Hanyoyin gyara wayar da ke kashewa da kanta
1. Duba lafiyar baturi
- Ka lura da yadda caji ke sauka
- Idan tana kashewa a kashi 30–40%, baturi na da matsala
2. Rage zafi
- Guji amfani da waya yayin caji
- Kada ka yi wasa mai nauyi na dogon lokaci
- Ka rufe apps da basa amfani
3. Goge apps masu matsala
- Ka cire apps da ka shigar kwanan nan
- Ka guji apps daga waje (APK)
4. Share cache
- Shiga settings
- Ka goge cache na apps da yawa
- Ko ka yi wipe cache partition ta recovery mode
5. Sabunta Android
- Duba ko akwai system update
- Sabuntawa na iya gyara errors
6. Factory reset (idan babu mafita)
Idan matsalar ta tsananta:
- Ka yi factory reset
- Ka tabbatar ka ajiye bayananka kafin hakan
Lokacin da ya dace a kai waya wurin gyara
- Idan wayar tana kashewa koda tana da cikakken caji
- Idan tana yin zafi sosai ba tare da amfani mai nauyi ba
- Idan factory reset bai warware matsalar ba
A wannan hali, matsalar na iya zama hardware.
Kammalawa
Dalilan da yasa wayar Android ke kashewa da kanta sun hada da lalacewar baturi, zafi, matsalar system, app problem, da hardware issues. Abu mafi kyau shi ne ka fara da hanyoyin gyara masu sauƙi kafin ka yanke hukuncin kai waya wurin technician.
Domin karin Android Hausa tutorials masu inganci da warware matsaloli kai tsaye, ka rika ziyartar AndroidPols.com.ng, inda ake kawo bayani dalla-dalla cikin Hausa mai sauƙin fahimta.
