 |
Yau Shekaru 50 Da Rasuwar Shiekh Ibrahim Inyass (RA) |
Allah ya yi wa Sheikh Ibrahim Niass fitaccen jagoran darikar darikar Tijjaniyya ta yammacin Afirka rasuwa a ranar 26 ga Yuli, 1975, da misalin 12 da mintuna 3 rana, a London, Ingila, a asibitin St. Thomas. Yana da shekaru 75 a duniya. Mutuwarsa ta faru ne a sashen Simeon's Ward na asibitin, a daki mai lamba 2632. Mutuwar Sheikh Ibrahim Niass wani muhimmin al'amari ne ga miliyoyin mabiyansa a fadin yammacin Afirka.
Yayin da bayanan da aka yi ya yi nuni da cewa ya je Landan ne don jinya, ba a fayyace ainihin musabbabin mutuwar ba. An mayar da jikinsa Senegal aka binne shi a Madina Baye, Kaolack, kusa da masallacinsa.
Tafiya ta karshe ta Shaikhul Islam, Alhaji Ibrahim Niass ta gudana ne a watan Yuni a shekarar 1975, wanda yayi daidai da watan Jumada thani na shekara ta 1395 bayan hijira.
Ya sanar da iyalansa cewa yana son yin takaitacciyar tafiya zuwa Landan. A lokacin yana da shekaru 75 a duniya. Kamar yadda ya saba, da yawa daga cikin ’ya’yansa maza sun so su tafi tare da shi, amma Shaihu ya ki amincewa da shawararsu bisa hujjar cewa tafiyar gajeriya ce.
Ya Allah ya jikan Shaikh Ibrahim inyass da rahama ya sada shi da masoyinsa Annabi Muhammad (Rasulillahi Sallallahu Alaihi wa Alihi Wasallama).
){kind=link}