Yunwa mafi muni da aka tabayi a Tarihin Duniya

Yunwa mafi muni da aka tabayi a Tarihin Duniya 

Lokacin da yunwa ta yi yawa, mutane suka fara cin duk abin da za su iya, ciki har da bawo, saiwar ciyawa, ganyen bishiya, ciyayi, laka da dabbobin da suke ciyarwa. 

Annobar yunwa mafi muni da aka taba yi a tarihin duniya ita ce wacce aka yi a shekara ta 1928 zuwa 1930 a kasar Sin (China) inda mutane sama da miliyan arba’in suka rasa rayukansu sanadiyyar wannann yunwar.

Yunwar kasar Sin ta 1928 zuwa 1930 ta faru yayin da fari ya mamaye arewa maso yamma da arewacin kasar Sin, musamman a lardunan Henan, Shaanxi da Gansu. An kiyasta cewa mace-mace tsakanin miliyan 30 zuwa miliyan 40, wanda ya hada da mace-mace daga cututtukan da yunwa ke haifar wa. An nuna cewa rashin samun ingantaccen agaji a matsayin abin da ya kara tsananta yunwar.

Lokacin da yunwa ta yi yawa, mutane suka fara cin duk abin da za su iya, ciki har da bawo, saiwar ciyawa, ganyen bishiya, ciyayi, laka da dabbobin da suke ciyarwa. Har ila yau, a sami rahotanni cin naman mutane; mutane sun yin musayar yaransu ƙanana don su sami abinda za su ci. Gawawwakin da yawa an samesu babu ƙafafu ko hannaye, har ma mutane sun ɗauka cewa idan ba su ci sassan gawarwakin ’ya’yansu ko na iyayensu ba, wasu za su ci musu.

Mutuwa ta tashin hankali

A matakin farko na yunwar, farashin amfanin gona ne ya fara ƙaruwa. Wasu satar abinci sun faru. A cikin 1928, an ba da rahoton wasu abubuwan da suka faru na fashi da kwatar abinci. 

Mutane da yawa sun mutu saboda annoba, ko don kashe kansu ko yunwa, kuma ba a binne gawarwakinsu ba. An jefar da gawarwakin mutane dana dabbobi duka a cikin wani babban rami.

Bugu da ƙari, wasu mutane kan tono kaburbura, su ci gawar ko kuma su siyar su karɓi kuɗi. Gawarwakin da ba za a iya binne su ba da gawarwakin da aka tono sun haifar da babbar annoba.