Sojojin Najeriya Sun Gudu a Yayin da 'Yan Sanda suka dakile harin 'Yan Boko Haram A Maiduguri, Suka Kashe 'Yan Ta'addan su 8.
Jaridar Sahara Reporters sun tattaro cewa 'Yan Sanda sun kashe 'yan kungiyar Boko Haram su 8 a ranar Talata yayin da suke kokarin kai hari a Maiduguri, babban birnin jihar ta Borno.
‘Yan bindigar sun isa yankin na Jiddari Polo da ke cikin birnin Maiduguri ne a kan babura da wasu motocin aiki na soja da misalin karfe 6:30 na yamma kafin rundunar‘ yan sanda ta fatattaka su karkashin jagorancin CSP Mohammed Ibrahim ta afkawa yankin tare da dakaru masu sulke suka dakile harin.
Wata majiya ta fadawa manema labarai cewa wasu sojoji da ke yankin sun tsere a lokacin da suka ga maharan.
“Da ganin 'yan Boko Haram, sai sojojin suka gudu da sauri kuma suka bar mu da kanmu. Ba su kawo dauki don su harbe su ba(masu tayar da kayar baya) kwata-kwata.
“Amma tawagar ‘yan sanda sun kawo mana dauki. Nan da nan ‘yan Bindigar da suka ga tawagar 'yan sandan suka yi yunkurin arcewa. Yayin da suke bin su, tawagar 'yan sandan ta mamaye wasu kuma ta kashe su nan take.
"Lokacin da aka gama aikin, sojoji suka dawo wurin kuma suka so su karbe abubuwan da aka baje kolin su karba daga hannun rundunar 'yan sanda ta ki amincewa," wani mazaunin ya fada wa manema labarai.
Kungiyar Boko Haram da reshenta, Lardin Musulunci na Yammacin Afirka, sun kashe dubbai tare da raba miliyoyi da muhallansu a Arewa maso Gabashin Najeriya.
Sojojin Najeriya sun sha yin ikirarin cewa sun ci galaba akan Boko Haram masu tayar da kayar baya kuma galibi yana nuna abin ba haka bane.
A cikin watannin da suka gabata, maharan sun auna sojoji, wadanda ke jiran kwanton baunar.
