An kashe da dama daga cikin wadanda ake zargin 'yan kungiyar Boko Haram ne a ranar Talata lokacin da hadin gwiwar jami'an tsaro suka dakile harin da suka kai Maiduguri, babban birnin jihar Borno, in ji mazauna garin.
Jaridar DAILY TRUST ta rawaito cewa, Dubunnan fararen hula ne suka tsere daga gidajensu biyo bayan harbe-harben da ake yi wanda aka gaishe su da fashe-fashe da dama a yankunan Molai da Jiddari Polo na Maiduguri.
Jaridar ta ruwaito cewa lamarin wanda ya faru lokacin da musulmai masu imani za su buda baki ya tilasta dubban mutane barin gidajensu zuwa wurare masu aminci a wasu sassan babban birnin jihar.
Wani mazaunin garin, Musa Kadai, ya ce ba zato ba tsammani sai suka ji wani sauti mara dadi a daidai karfe 5:50 na yamma wanda hakan ya haifar da annoba a ko ina.
“Ya zama mini kamar mafarki. Ina cikin shirin yin buda baki ne azumin Ramadana sai muka fara jin karar fashewar abubuwa da harbe-harbe. Da sauri na dauki yarana biyu da matata, na fita daga yankin.
“Wannan abin bakin ciki ne. Abin takaici ne cewa wannan na iya faruwa kusa da hancinmu. Mun ga mata da yara kan hanya. Komai ya lafa yanzu yayin da muka dawo gida da misalin karfe 8 na dare don buda baki, ”in ji Musa.
Wani memba na Civilian JTF, Abdul Ba ’Kura, ya yi ikirarin cewa maharan Boko Haram da dama sun rasa rayukansu bayan wani hanzari na martani daga hadin gwiwar jami'an tsaro.
“Sun zo ne ta hanyar Molai da yankin Judumari. Amma abin takaici a garesu, an samu martani nan da nan daga hukumomin tsaro.
“Allah yaba mu nasara a kan Boko Haram a jiya, zan iya tabbatar muku. Da yawa daga cikinsu jami'an mu na hadin gwiwa sun kashe su, da yawa sun tsere da raunin harbin bindiga, "in ji Abdul.
An tattaro cewa maharan sun bankawa wasu wuraren wuta a yayin harin da suka kaiwa Maiduguri.
Tags:
Labaran Duniya
